Contarase como ponentes a José Álvarez Junco, catedrático de Historia dos Movementos Sociais da Universidade Complutense de Madrid e  Premio Nacional de Ensaio en 2002, quen falará sobre “Reformismo ilustrado e proxecto de nación”. A súa será a primeira das ponencias programadas, o día 17 ás 20.00 horas. O 18 de novembro intervirá Javier Fernández Sebastián, catedrático de Historia do Pensamento Político na Universidade do País Vasco e tamén Premio Nacional de Historia, que abordará o tema “Proxecto ilustrado e Ilustración española: conceptos filosófico-políticos e conceptos historiográficos”. Pola súa banda, Xosé Ramón Barreiro Fernández, presidente da Real Academia Galega, impartirá a ponencia que levará por título “A Ilustración en Galicia”.

A xornada do día 19 adicarase á celebración de obradoiros e unha visita guiada á cidade e arredores, con paradas no Museo Naval, Arsenal e Base Naval de Ferrol. Finalmente, para o 20 de novembro está prevista unha mesa redonda que levará por título “Unha ollada desde Ferrol”. A clausura da xornada terá lugar o 20 de novembro ás nove e media da noite coa entrega dos diplomas aos participantes. 

As persoas interesadas en participar nestas xornadas poden facer a súa reserva de praza gratuíta, a través da web www.fundacioncarloscasares.org.