As achegas procedentes de particulares conforman o 91%, a metade destas reclamando cuestións alleas ao propio Plan ou referíndose a cuestións xerais sobre o propio modelo do POL. A Xunta, que analizará todas as solicitudes achegadas, valora positivamente o proceso de exposición pública e considera que a elaboración deste Plan supón un antes e un despois na protección do litoral galego.

Unha vez finalizado o período de consultas, o Plan será enviado á secretaría xeral de Calidade e Avaliación Ambiental, que elaborará unha memoria, para dar paso a unha aprobación provisional do documento. A Xunta marca o mes de decembro para acadar esta aprobación.