Segundo o Ministerio de Vivenda, a evolución mantén a tónica de contención de prezos rexistrada nos últimos trimestres. Hai que lembrar que entre xaneiro e marzo o descenso foi do 6,8% e entre outubro e decembro a baixada foi do 3,2%. Con todo, a rebaixa nos prezos é menor se falamos de vivenda protexida. O metro cadrado cóbrase neste caso a 1.096 euros, ou o que é o mesmo, un 1,4 por cento máis barato no segundo trimestre.

Se xuntamos os índices de vivenda libre e os de vivenda protexida, obtemos o índice xeral de prezos da vivenda que descendeu nos pasados tres meses un 7,5 por cento en Galicia en taxa interanual, algo menos que no conxunto do Estado, que dá un resultada do 8,2 por cento.