ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Cando e baixo que condicións convén darlles un móbil aos menores. Tema para a reflexión na próxima cita do ciclo Acompañar no Reto de Educar, o luns, día 8 de abril, na Casa da Cultura de Fene. “En idades temperás hai que ter unhas pautas, tampouco lles deixamos aos nosos fillos conducir ata que teñen o carné e cando o sacan hai restricións”, comenta a pedagoga do Concello de Fene María Xosé Paz.
“Na casa é onde se marcan as normas”, lembra María Xosé Paz. “Ás familias preocúpalles e para a rapazada é unha necesidade imperante”. Ante esta situación é necesario “ter criterios claros e ser consecuentes, hai moita presión grupal é necesario saber argumentar esas necesidades”. “Moitas veces esiximos aos fillos o que nós non cumprimos, é importante buscar espazos sen móbil”, apunta.
“Primeiro móbil, cando, como e baixo que condicións" é o título da primeira sesión da programación para este mes de abril. Luns, día 8, na Casa da Cultura de Fene. Dirixido a familias de Fene, Mugardos e Neda. A sesión dará comezo ás seis da tarde e haberá servizo de conciliación.
Publica o teu comentario agora