As pontes sobre a avenida Marqués de Figueroa e a rúa do Ameneiral e a canalización do río á altura das denominadas "vivendas verdes de Astano" provoca periodicamente o desbordamento do Cádavo en diferentes puntos. Segundo manifestou o alcalde de Fene Iván Puentes, unha memoria valorada sobre as solucións para o aliviamento do canle fluvial situa o orzamento da actuación en 4 millóns de euros. Empregados municipais colocaron esta tarde sacos de area á altura do Ameneiral en Perlío para intentar evitar que a auga anegue os baixos e as vivendas sindicais de San Estebo.