O compositor, arpista e cantante Emilio Cao actuará esta fin de semana na Illa de San Simón dentro do programa de música Espazos Sonoros da Consellerái de Cultura. A actuación será as 19:00 horas do sábado con entrada de balde. Para asistir é preciso reservar praza nunha das embarcacións que durante a xornada se trasladan á San Simón dende o peirao de Cesantes.

Cao é un dos músicos pioneiros e referente dentro da música folc e foi o primeiro que recuperou a arpa como instrumento para interpretar música tradicional como continuador do tradición trobadoresca medieval. Baixo o título “Co mar no meu peto” Emilio Cao propón un concerto intimista de cancións mariñas e temas instrumentais para arpa.A reserva para esta actuación musical así como para visitar a Illa durante a fin de semana pódese facer a través da páxina web www.illadesansimon.org ou no teléfono 986 90 38 84.