Por mor da crise económica, o evento reduce a súa duración a un mes. “Decidimos facer menos días, pero manter a cantidade e a calidade das actividades”, asegura a conselleira de Cultura de Pontevedra, Anxos Riveiro, destacando o salón acollerá máis dun centro de propostas. Nesta edición, mantéñense tradicións como as Tardes na Sala (ás que acudirán títeres ou contacontos), os espectáculos teatrais para público familiar ou as presentacións de libros. Organizaranse tamén numerosas exposicións e obradoiros.

O 12+1 Salón do Libro quere este ano saír do recinto feiral e achegarse a todos os recunchos de Pontevedra. A organización ten previsto encher ás prazas da cidade coa axuda de Os Bolechas, Troula, Buqueiras Novo, os roteiros temáticos e o humor de Quico Cadaval na Sala Karma. Outra das novidades é o programa de xogos tradicionais e o aberto de Billarda.