Como todos os anos, haberá un xantar compartido con produtos labregos que levarán e partillarán os asistentes, a partir das dúas da tarde; ademais de queimada, xogos, música, algunha que outra sorpresa e moitas reivindicacións.

O Sindicato Labrego Galego tamén nos convida este domingo, 4 de setembro, a pasarnos polo mercado labrego que situarán na Alameda de Compostela a partir das dez e media da mañá. Alí, os agricultores galegos venderán os seus produtos directamente ao consumidor, garantindo a súa procedencia, calidade e a moi bos prezos.