A concelleira, Susana Martinez Galdós, explicaba hoxe en rolda de prensa que a mostra ofrece un percorrido pola vida e obra deste ilustre escritor falecido o pasado mes de xuño en Madrid a través de vinte paneis explicativos e 51 ilustracións.

Aínda que escribiu tanto para adultos como para mozos e nenos, foi neste último xénero onde sen dúbida tivo un maior recoñecemento. Así, en 1980 Farias resultaba distinguido co Premio Nacional de Literatura Infantil e Xuvenil pola obra “Algunos niños, tres perros y más cosas” e en 2005 se faría tamén co I Premio Iberoamericano de Literatura Infantil. Tamén sería finalista do Premio Nadal en 1963 con “Los buscadores de agua”.

Martinez Galdós salientou da figura de Juan Farias a súa “marcada personalidade e seu afán de viaxar que se reflicte nos seus libros”. Ao respecto, a responsable de Educación do Concello lembrou que este ansia por viaxar levou ao ilustre escritor ferrolán a dar tres voltas ao mundo a bordo del Juan Sebastián Elcano.