Para completar a AG-64 haberá que agardar ata outubro do 2009, cando está previsto que se rematen os 13,4 quilometros que separan Cabreiros da capital da Terra Chá. A apertura deste novo tramo da AG-64 realízase tras un considerable retraso motivado por dificultades xurdidas durante o período de execución. A autorización de escavacións no círculo lítico da Mourela freou a intervención durante máis dun ano.

O tramo que resta, entre Cabreiros e Vilalba custa 37,4 millóns de euros. O seu contrato de adxudicación asinouse o 14 de agosto do 2007, cun período de execución de 22 meses. Cando se abra, percorreráse a distancia entre Ferrol e Vilalba en media hora.