O venres e sábado o equipo naronés disputará dous encontros nos que repartirán minutos entre todos os xogadores do plantel. Un plantel do que nos poñía ao corrente Juan Iglesias, segundo adestrador do Val, dicindo que contan cun grupo do ano pasado no que se atopan Hermida, Miguel, Alberto, Rubén Pita e Bruno entre outros. Como novidades no cadro do equipo destacou a chegada de Pablo (central) e Rodrigo (central) ámbolos dous procedentes do Rácing Xuvenil. Hugo (lateral), Pablo (medio centro asturiano) e Pablo López (media punta) son outras das novas incorporacións para esta campaña.
Iglesias comentou que hai moi bos xogadores e que o primeiro obxectivo do equipo é manter a categoría.
A semana que vén iniciarase a competición e O Val recibirá ao Chantada na primeira xornada.