No Redondela en Curto haberá tamén novidades. Este ano a organización creou un novo apartado baixo o nome de “Sección Alternativa”. Realizarase mañá venres a partir das doce da madrugada no Bar Disco Tasca da vila pontevedresa e constará da proxección de oito curtametraxes que están fóra de concurso, pero que chaman a atención polas súas peculiaridades.

No acto de clausura do festival entregaranse os premios do xurado e do público. Será o domingo ás nove da noite e novamente subirán ao escenario do Multiusos Beatus Ille.

A entrada á proxección das curtas a concurso e da longametraxe custará 2 euros.