Os locais participantes deberán facilitar as tapas e a bebida (auga, viño ou corto de cervexa) ao xurado de xeito gratuíto. Este integrarase por dous ou dúas representantes de cada unha das comparsas participantes no Festival do Entroido Ferrol 2010, dúas técnicas do Departamento de Festas do Concello e unha persoa experta na materia. Valorarán aspectos como a orixinalidade do disfraz dos participantes, a presentación da tapa, o seu sabor e a decoración do establecemento. Ademais, teranse en conta o traballo e a improvisación do persoal á hora de servir os pratos. O premio será un agasallo sorpresa. 

O ano pasado resultou gañador o Bodegón O Bacoriño, cunha tapa de crema de grelos con brocheta de orella, lacón e chourizo.

O nexo de unión desta ruta de tapa son os produtos típicos do Entroido: lacón con grelos, torrixas, orellas, filloas, botelo ou chicharróns, entroutros manxares carnavaleiros.