Os bombeiros néganse a regresar ao parque ata que un informe acredite a seguridade das instalacións. Hai apenas 20 días, os bombeiros xa denunciaron as deficiencias do parque a través dun vídeo que correu como a pólvora polas redes sociais.

Un representante dos bombeiros, Carlos Núñez, detallou que á primeira hora da mañá se deu aviso ao 112 e á Policía Local e nacional para que desvíen as chamadas que reciban a ese número, aínda que desde o mediodía o teléfono habitual volve funcionar con normalidade. Ademais, asegurou que desde o Concello non se lles deu ningunha solución á situación do parque, no que se iniciaron obras de urxencia para reparar as filtracións da cuberta.

Critican que os traballos levan paralizados varios días e que, precisamente, pode ser o levantamento dalgunha placa o que provocase estas novas inundacións.Unha das emerxencias que tiveron que atender foi a caída dunha árbore en Mandiá, que obstaculizou unha estrada e que ademais tirou parte do tendido eléctrico. Técnicos de Fenosa terán que acudir a reparalo.

Fontes oficiais do Concello aseguraron que coas obras iniciadas conseguíron pechar as vías de entrada de auga máis graves e que o que resta da actuación non se puido acometer polas malas condicións meteorolóxicas. No entanto, aseguran que «se deixa de chover, nunha semana están listas».