A Asociación para a Defensa Ecolóxica de Galicia ten repartidos arredor de 1500 composteiros por toda Galicia. En virtude dun convenio coa Consellería do Medio Ambiente, a entidade ecoloxista entrega os recipientes a cidadáns con horta ou xardín e ofrece unha charla explicativa sobre unha correcta instalación. Os técnicos de Adega visitan logo os domicilios en 3 ocasións para solventar dúbidas e asegurarse dun correcto uso dos trebellos.