A banda de A Estrada Esquios presentan esta noite o seu CD con licencia Creative Commons denominado “Eche o que hai”. Integran Esquios, Jorge Rodriguez na guitarra, Jorge Iglesias na bateria, Pedro Dono co baixo e Miguel Castro á voz. O grupo formouse no 2005 e xa contan con 3 discos no mercado, Esquios, Un tipo normal e Eche o que hai. Indican que combinan o estilo clásico do punk de corte social con cancións máis festivas e divertidas, moi bailabeis. O prezo do billete ascende a 3 euros para o público en xeral e 2,50 para as persoas asociadas á Fundación Artabria. O concerto dos Esquios comezará ás dez desta noite nos locais da entidade, en Esteiro en Ferrol.