Mentres iso acontece, sinala a líder de Galiza Nova, “as empresas terán axudas públicas durante 3 anos, con deducións fiscais á Seguridade Social”, o que evidencia que a reforma está claramente nesgada a favor dos intereses da patronal. Ao seu xuízo, a nova ofensiva do Goberno español contra os dereitos laborais, que considera continuidade das producidas baixo os executivos do PSOE, “destruirá emprego e precarizará aínda máis o que xa existe”.

Galiza Nova, no ámbito do ensino, vai realizar unha intensa campaña de información contra esta reforma, con visitas aos centros de ensino secundario e aos campus universitarios. “Moitas veces pergúntanme se hai alternativa. Claro que a hai. A mobilización en favor dun radical cambio de rumbo das políticas económicas”, conclúe Iria Aboi.