Ademais da aposta pola formación laboral, Galicia pode presumir tamén da creación dun protocolo sanitario para persoas do espectro autista, que ten por obxectivo facilitar a atención nos centros de saúde e que xa está a ser xa copiado noutros puntos do Estado. Desde Autismo Galicia traballan agora na posta en marcha dun carné, unificado e recoñecido oficialmente, que identifique a aqueles que padecen esta síndrome para que poidan recibir a axuda axeitada se, por exemplo, se escapan ou perden.

Malia que o Día Mundial para a Concienciación do Autismo se celebra oficialmente este venres día 2, por mor da coincidencia coa Semana Santa en Galicia os actos adíanse ata o mércores 7. Nesa xornada realizarase un percorrido simbólico do Camiño de Santiago que concluirá no Obradoiro coa lectura dun manifesto.