Un dos vehículos requisados polos Gardacostas foi un camión nun operativo desenvolvido no peirao de Portosín o pasado 11 de novembro en colaboración co Seprona  e da Garda Civil de Noia. Ademais do camión, os axentes comisaron 2.750 quilos de xarda que estaban sendo descargados no porto para ser transportados no vehículo incautado. 

A xarda xunto coa centola, que estivo vedada ata o 21 de novembro, foron das especies máis comisadas. No que respecta á centola, cabe destacar os 960 quilos deste crustáceo incautados na Ría de Arousa a principios de mes. Desta cantidade, 410 quilos estaban dentro de 50 pezas de miños e os outros 550 quilos noutras 25 pezas de miños. Estas artes de enmalle foron requisadas por estar sen identificar. 

Operativos conxuntos

Durante o mes de novembro, os Gardacostas da Consellería do Mar realizaron 9 operativos en conxunto cos Corpos e Forzas de Seguridade do Estado nas Rías do Burgo, Ferrol, Arousa e Vigo. Nestes operativos os gardacostas identificaron a 35 persoas e en total requisáronse máis de 70 medios e artes  entre os que destaca un vehículo, e máis de 2.300 quilos de distintas especies de peixe e marisco.