A lista de candidatos ás grandes cidades é única, polo que os dirixentes galegos do PSOE debían decidir entre esta "especie de abstención" ou votar a favor da totalidade dos números 1, o que implicaría dar o seu apoio a Navarro, declarado tránsfuga polo Pacto Antitransfuguismo. "O tema do transfuguismo non é menor para o PSdeG", subliñaron as mesmas fontes, en alusión á actitude que mantén a formación en Galicia de "absoluta desconformidade" respecto deste tipo de comportamentos. O Comité Federal do PSOE aprobou unha resolución pola que renova case o 47 por cento dos seus candidatos ás alcaldías de cidades de máis de 50.000 habitantes, mentres que a porcentaxe de renovación para comunidades e cidades autónomas alcanza o 69,23 por cento.