Desde o comité de empresa de Tecnymo laiánse dos abusos de contratación eventual, que cualifican de “fraudulenta”. Segundo o seu presidente, Andrés Alonso, posúen contratos de fin de obra que afectan a máis de 40 empregados que levan máis de 10 anos traballando na compañía.

A empresa de montaxe xa mantivo unha xuntanza coa dirección da compañía. Na reunión chegouse a un principio de acordo que non se materializou. Ante isto, vénse na obriga de ir á folga indefinida. Na defensa do seu dereito a ter uns contratos indefinidos comezan hoxe un calendario de mobilizacións. Decidirán sobre a marcha os días, as horas de paro e os lugares onde se concentrarán.