Os socialistas evidenciaron o abandono e a discriminación que están a sufrir por parte do Goberno de Feijóo e a súa política partidista, recordando ao titular da Xunta a súa obriga cos alcaldes galegos. O PSdeG pediu á Xunta que deixe de ser o principal adversario dos concellos, que remate definitivamente co financiamento condicionado a través de programas, que suba o 9% da participación dos ingresos da comunidade autónoma e que os distribúa equitativamente.

Asemade, Vázquez recriminou a Feijóo que bloqueara a reforma estatutaria de Galicia, xa que bloquea os recursos económicos para a comunidade, e indicou que o actual presidente da Xunta incrementou nos dous últimos anos un 70% máis a débeda de Galicia. O secretario xeral do PSdeG pediu aos populares que xoguen limpo nas municipais e que non leven nas listas aos tránsfugas.