Pan, tona e azucre

Pan, tona e azucre

30 de Marzo, 2011 - 12:00 h. | Publicada por Radio Fene

Con este saboroso menú degustaranos, este domingo 3 de abril, Ti e máis eu Teatro de Ferrol. A compañía ferrolá representará esta obra de Josefa Deibe Picos no ciclo “Domingos a escena”, no Centro Cívico de Caranza, ás 19:00 horas. A entrada é de balde.

Dirixida por Fina Deibe e Xulio Vázquez, a comedia xira arredor do Camiño do Inverno quen será testemuña fiel dos reproches, enganos, mentiras, e tamén, momentos de felicidade que viven os protagonistas desta historia ao reencontrarse no pobo que os veu nacer. Só a espiritualidade do camiño é quen de deixar ao descuberto as diferentes fases polas que pode atravesar a amizade e ata onde pode chegar. 

O reparto fórmano Victoria Vázquez, Fina Deibe, Ángeles, Concha Cortizas, María Jesús Fernández e Francisco Porto.

Cultura