ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A Casa da Cultura de Ordes acollerá neste mes de xaneiro uns talleres de formación e sensibilización vial para persoas maiores e persoas con discapacidade, totalmente gratuitos. Están dirixidos á terceira idade do municipio, así como a veciños e veciñas de calquera idade que teñan recoñecida unha discapacidade igual ou superior ao 33%.
Estes talleres, organizados pola Asociación Stop Accidentes coa colaboración do Concello de Ordes e subvencionados pola Consellería de Traballo e Benestar da Xunta, pretenden sensibilizar acerca dos problemas máis habituais nesta materia, co obxectivo de minimizar o risco de accidentes que sofren maioritariamente estas persoas e poder así garantir unha convivencia segura.
Todos aqueles que estean interesados en participar poden recibir máis información e realizar a súa inscrición poñéndose en contacto coa traballadora social do Concello de Ordes. As inscricións empezaranse a realizar a partir do día 30 de decembro.
En canto ás plazas, serán limitadas, haberá 25 para persoas da terceira idade e outras 25 para persoas con discapacidade. Os participantes admitiranse por orde de inscrición.
A concelleira de Discapacidade, Silvia Marín, explicou que con este tipo de iniciativas esperan poder contribuir a facilitar a vida cotiá destes colectivos.