ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Último día para inscribirse no programa “Mocidade activa” que organizan os concellos de Fene, Mugardos e Neda.
Pilotaxe de drons, fútbol burbulla, fabricación dixital 3D, artesanía electrónica, habilidade maker, como ser Youtuber, radio, habilidades persoais e combate láser. Son as actividades que este ano ofertan os Concellos de Fene, Mugardos e Neda no marco do programa Mocidade Activa, dirixido a rapaces/zas de 11 a 16 anos. Os interesados en participar deben enviar a súa solicitude, hoxe como último día, ao Departamento de Servizos Sociais do Concello de Fene por correo electrónico servizos.sociais@fene.gal ou, excepcionalmente, entregala de forma presencial, previa cita nos teléfonos 981342607 / 981492706. As prazas cubriranse por orde de inscricións e unha vez formados os grupos (que deberán contar cun mínimo de 10 participantes e un máximo de 12), especificaranse os horario e espazos que acollerán cada unha das actividades.
O programa desenvolverase do 15 de xullo ao 15 de agosto, con sesión de dúas horas e media, entre as 11.00 e as 13.30 horas. “Mocidade Activa” encádrase no “Proxecto de prevención de condutas aditivas” e está subvencionado pola Consellería de Sanidade. O seu obxectivo é“favorecer a cohesión social do grupo mediante os obradoiros nos que se reflexiona e sensibiliza sobre as adicións con sustancias ou comportamentais, por medio de actividades e creando espazos de experimentación, de libre expresión e de creatividade propia, sen esquecer nunca a diversión”.
Para máis información cómpre dirixirse ao Centro Municipal de Servizos Sociais (Avda.do Mar, Bloque 1, Baixo - San Valentín). Teléfonos: 981.492.706 / 981 342607. Caixa electrónica: servizos.sociais@fene.gal
Publica o teu comentario agora