ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O Segrel do Penedo, a biblioteca escolar do IES de Fene, súmase a unha iniciativa da ONG “Implicad@s no desenvolvemento” para conmemorar o Día do Libro. A actividade vai dirixida a todos os usuarios e amigos das bibliotecas escolares galegas, aos que se convida a respostar á seguinte pregunta: “Para que les?”.
Leo “para aledarme coñecendo historias, personaxes…outros puntos de vista. Para viaxar no tempo e no espazo. Para aprender, sentir e cativarme co xogo das palabras”. “Leo para ver e escoitar, para sentir e coñecer, para saber e ensinar, para vivir e deixar vivir. Leo para ser libre”. Son algunhas das respostas que foron chegando nos últimos días á web da ONG “Implicad@s no desenvolvemento”, impulsora deste proxecto ao que agora se veñen de sumar máis dun cento de colexios e institutos de Galicia. Un deles é o IES de Fene.
Segundo informa a responsable da biblioteca O Segrel do Penedo, Loly Lago, o que se pretende é que o vindeiro 23 de abril, Día do Libro, as paredes do instituto se enchan de comentarios sobre os motivos que levan á xente a ler. Razóns que, “seguro, serán tan dispares como a propia xente que participe nesta fermosa iniciativa”.
As persoas que queiran participar na actividade deben respostar á pregunta : “Para que les?”, empregando non máis de 140 caracteres. Os comentarios débense remitir ao enderezo electrónico osegreldopenedo@gmail.com.