Na Primeira Galicia de fútbol, o lider, Cultural Maniños,  recibe ao quinto clasificado. Un partido fundamental para o adestrador do Maniños Pablo Mesa, xa que unha vitoria permitiría poñer terra de por medio entre o primeiro e o cuarto clasificado. O obxectivo do equipo branco é clasificarse entre os tres primeiros para garantir o mantemento da categoría. Maniños – Sporting Ciudad. Ás cinco desta tarde no campo do Pote. Pita o colexiado Fernando Caruncho. Na mesma categoría e no mesmo grupo, visita o campo dos Pinares en Perlío o segundo clasificado o Ural. .Un clube histórico e referente na cidade da Coruña no deporte de formación, no deporte base, segundo lembra o adestrador do Perlío Chechu Piñeiro. Perlío – Ural. Ás catro e media desta tarde no campo dos Pinares, co arbitro Francisco Piñón.