ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Iván Puentes e José Blanco asinaron o acordo para executar a maior ampliación da historia do polígono de Fene. Unha vez executada esta terceira fase Vilar do Colo será, logo de Río do Pozo, a maior superficie industrial de Ferrolterra e unha das principais de Galicia, segundo fontes municipais.
O protocolo de colaboración entre Fomento e os concellos de Fene e Cabanas contempla unha ampliación de chan industrial que ronda os 700.000 m2. o que supón na práctica case duplicar a actual superficie de Vilar do Colo, que conta a día de hoxe con 800.000 m2.
Esta ampliación repártese en dúas zonas, unha de 500.000 m2. situada entre Laraxe e Limodre, que comparten Fene e Cabanas e outra duns 200.000 metros nas inmediacións da vía rápida de Mugardos, ubicada íntegramente en Fene.
Iván Puentes destaca que a ampliación de Vilar do Colo “é nestes momentos a mellor noticia que o Concello e o Goberno de España lle poden dar aos veciños e veciñas de Fene, porque significa crear máis emprego, máis riqueza e en definitiva máis futuro para o noso pobo”.
Unha vez realizados estes traballos da III Fase, Vilar do Colo contaría con 1.500.000 m2. de superficie industrial o que situará a este polígono entre as principais plataformas industrais de Galicia, ademais de converterse no segundo máis grande de Ferrolterra logo de Río do Pozo.
O primeiro paso será a realización por parte de SEPES ao longo dos vindeiros 12 meses dun estudio arqueolóxico e un estudo medioambiental que avalen a viabilidade técnica da obra en cada zona afectada.
En paralelo, os concellos de Fene e Cabanas colaborarán coa SEPES para lograr pola vía da negociación cos actuais propietarios e propietarias a compra dos terreos precisos para a execución desta gran ampliación do parque empresarial. Ademais Fene e Cabanas irán concretando, como xa o están a facer, coa Xunta de Galicia as modificacións precisas do PXOM de ambos concellos para albergar este chan industrial.