Paula Vázquez escolle Chamorro

Paula Vázquez escolle Chamorro

24 de Setembro, 2010 - 12:00 h. | Publicada por Radio Fene

O próximo luns 27 de setembro a partir das 23.30h no programa “Tu Vista Favorita” de CUATRO TV, Paula Vázquez defenderá como a súa vista favorita de España o territorio de Ferrol-Ortegal. O Cabo Ortegal, a ermida de Chamorro, a Garita Herbeira, o Castelo de San Felipe e a praia de Pantín serán algún dos enclaves que se ensinarán a  toda España.

Os telespectadores terán que votar entre as catro vistas que se amosan neste programa, polo que Ferrol-Ortegal competirá coa Serra de Francia en Salamanca, que presenta José Corbacho, San Vicente de la Barquera, representado por David Bustamante e o Val D’Aran, da man do actor Jorge Sanz.

A vista favorita dos espectadores en cada programa chegará á final, onde entre as 10 mellores escollerase a mellor vista de España. Para a rodaxe do programa, cuxas localizacións foron feitas no mes de maio, a produtora foi asistida por persoal do Plan de Dinamización Turística  Ferrol-Ortegal.

 

Sociedade
  • 86 lecturas