Perlío sobre rodas

O Perlío non estará so o domingo en Frades porque a afección acompáñaos para empuxar na remontada.
31 de Maio, 2019 - 12:13 h. | Publicada por Radio Fene

Dous autobuses viaxan co Perlio o domingo para presenciar o encontro co Abellá.

Escribiu o filósofo e escritor uruguayo Eduardo Galeano: "Jugar sin hinchada es como bailar sin música".

Dous autobuses sairán de Perlío o domingo cheos de siareiros que acompañarán ao equipo no seu intento de ascenso á Primeira Autonómica de futbol. Un dos autobuses facilítao o club do Perlío mentres que o segundo é un agasallo dos xogadores á afección pola súa entrega incondicional. Os autobuses sairán ás 14,30h do Casino de Perlío.

O Perlío terá que lograr un tanteo de 0-3 no encontro de volta da promoción de ascenso á Primeira Galicia de fútbol. Xogará diante do Abellá en Frades o vindeiro domingo ás cinco da tarde. O partido de ida, xogado o pasado domingo no campo dos Pinares, rematou cun tanteo de 2-4. A eliminatoria púxose costa arriba. Está complicada pero é posible. O Perlío vai ir pola remontada, segundo declarou a Radio Fene o adestrador Chechu Piñeiro.

O encontro xógase en campo do Abellá, en Frades o domingo ás cinco da tarde. A afección estará con eles.

Deportes

Publica o teu comentario agora