Cómpre lembrar que o Concello de Boiro, coa intención de que todos os que o desexen coñezan a riqueza e o valor histórico e paisaxístico deste enclave, continúa co programa de visitas guiadas dirixidas tanto a grupos como a particulares. Ditas visitas serán os sábados ás 17.00 horas, e para participar é preciso anotarse previamente no Departamento de Turismo( teléfono 981 842654, mail turismo@boiro.org.)

Por outra banda, os usuarios do Centro de Día de Boiro tamén realizarán unha visita guiada ao pazo mañá  mércores, día 27 de marzo, ás 11.30 horas. O Alcalde, Xosé Deira Triñanes, e outros membros do goberno, acompañarán aos maiores neste percorrido.