ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Arranca a Escola de Pilotos de Drons para moz@s de entre 14 e 30 anos que promove o Concello de Fene. O proxecto conta co respaldo da Dirección Xeral de Xuventude da Xunta e a Universidade da Coruña que participará do mesmo cunha charla en torno aos traballos de futuro e as carreiras vencelladas con maior demanda.
Un total de 25 mozos e mozas de entre 14 e 30 anos participan dende onte na Escola de Pilotos de Drons que organiza o Concello de Fene. Un proxecto divulgativo e formativo en torno ao uso dos drons e a súas aplicacións. Conta coa colaboración da Dirección Xeral de Xuventude da Xunta de Galicia. A través del, potenciarase o coñecemento e autoaprendizaxe en torno ao mundo dos drons, unha disciplina tecnolóxica que incentivará aos mozos e mozas a súa curiosidade por desenvolver unha carreira de futuro neste eido tan demandado. Por iso, a Universidade da Coruña tamén participará nos obradoiros cunha charla en torno aos traballos do futuro e as carreiras que máis demanda terán.
Durante tres semanas, as persoas participantes aprenderán sobre reparación, montaxe, aplicacións civís dos drons, drons terrestres... e como non, a pilotar estas aeronaves. Para iso, cada participante disporá dun dron co que practicar no seu tempo libre unha vez adquiridas as nocións básicas de voo. Deste xeito progresará máis rápido e na fase final da formación aprenderá a pilotar drons deportivos e acrobáticos.
Durante a formación, tamén aprenderán a montar unha cámara e un transmisor de vídeo no seu dron, para poder pilotalo en primeira persoa. Finalmente os/as participantes quedarán co seu dron personalizado e realizarán unha demostración aberta ao público nun circuito de carreiras, onde deberán demostrar as habilidades aprendidas durante o curso. Será o sábado 13 de xullo pola mañá no Pavillón da Xunqueira.
Publica o teu comentario agora