Éxito rotundo na Fashion Night de Fene que baixo o lema “Festa en branco” se celebrou o pasado sábado 15. Houbo desfiles, música, sorteos, degustacións, descontos e promocións nos establecimentos participantes. As rúas e prazas de Fene mantiveronse ocupadas ata ben pasada a medianoite.

Juan Ramos, presidente da Asociación de comerciantes e hosteleiros de Fene "O Cruceiro", declarou que é imposible calcular canta xente ocupou as ruas, prazas e terrazas de Fene o pasado sábado pero si saben que, ademais da veciñanza, a cita foi moi atractiva para xentes de toda a comarca. Gañou así o comercio e a hostelería de Fene como ningún outro dia do ano.

En palabras de Juan Ramos, habería que prantexarse celebrar máis dunha Fashion Night ao ano en Fene. O baile, desfiles e performance sumaron vistosidade á Fashion Night e sorprenderon ao público. O máis acalamado foi quizás o último pasarrúas da noite.