A entrada ao edificio ata este domingo será libre, co obxecto de que a cidadanía se anime a coñecer as novas dotacións do museo que, xunto con novas atraccións, inclúe mellores accesos para as persoas discapacitadas.

A rede de museos de ciencia da capital herculina, que se distinguen polo seu carácter interactivo, complétase coa Domus ou Casa do Home e o Aquarium Finisterrae. O conxunto de exhibicións destinadas ao coñecemento científico completarase co Museo Nacional de Ciencia, cuxa sede central adxudicou o Goberno español á Coruña. Segundo Xosé Antón Fraga, podería abrir as súas portas en 2011.