ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O Concello de Fene tramita as solicitudes para optar ás prácticas en empresa que promove a Deputación da Coruña para persoas desempregadas. Diríxense a veciños e veciñas menores de 30 anos e o prazo permanecerá aberto ata o vindeiro 21 de decembro.
O concelleiro de Formación e Emprego, Juan José Franco, informou esta mañá que o Concello tramita as solicitudes para participar nas prácticas profesionais en empresa relacionadas coa formación académica ou laboral que promove a Deputación da Coruña dentro do Proxecto EIXO_Estratexia de Inserción Xove. Son prácticas dirixidas a persoas desempregadas menores de 30 anos que se realizarán nas instalacións das empresas colaboradoras, cunha xornada laboral estipulada pola empresa colaboradora e o seu convenio colectivo sectorial ou empresarial para o posto a desempeñar.
O obxectivo deste programa é facilitar a oportunidade de realizar prácticas profesionais nunha empresa, 760 horas, aproximadamente 6 meses de duración, fomentando a súa empregabilidade a través da adquisición de experiencia profesional. Así mesmo, acompañaranse de formación complementaria que inclúe lingua estranxeira e igualdade de oportunidades. Para participar no programa é preciso estar empadroado/a nalgún dos concellos de menos de 50.000 habitantes da provincia; ter menos de 30 anos e estar rexistrado/a no Ficheiro do Sistema Nacional de Garantía Xuvenil; non estar realizando accións formativas nin educativas; non estar traballando e cumprir os requisitos de formación académica ou laboral, certificado de profesionalidade nivel 3.
O prazo de inscrición permanecerá aberto ata o venres 21 de decembro e, para recibir máis información e tramitar a inscrición, as persoas interesadas deben dirixirse á Área de Formación e Emprego “Pancho Allegue”, praza do Alcalde Ramón Souto González, no teléfono 981 492 767 ou no correo, orientacion.laboral@fene.gal.
Publica o teu comentario agora