En relación precisamente coas obras da canalización da rua da Palma para conectar coa EDAR en Ares, Iván Puentes, afirmou esta mañán que son moi deficientes e o asfalto provoca moitas molestias á circulación. O concello deu un toque de atención á Xunta de Galciia para que alivie as molestias e ao final asfalte a estrada para unificar a calzada.

Puentes referiuse no espacio As Foxas de Radiofusión aos Orzamentos deste ano, atacando ao PP por "inconsciente" ao rexeitar as contas. En relación ás conversas co BNG, estas continúan, e agardan chegar a un acordo antes de fin de mes.

O alcalde fenés anunciou que o novo Plan E debe ter licitadas as obras no mes de Abril. Queda por inaugurar do plan anterior o parque lineal de Vilanova ao que lle falta a xardinería que por culpa do tempo non se puido facer. Na mesma comparecencia, o alcalde califica de “chorrada” ás reiterativas críticas do PP sobre o mantenemento da mediana das Pías, que reclama prantas permanentes e non de temporada. Puentes afirma que o coste dese traballo é mínimo e non un derroche.

A construcción dos vestiarios do campo dos Pinares estará lista no mes de setembro para a nova temporada da liga de futbol. Investiranse 300.000 euros para os vestiarios mais 60.000 da iluminación. 100 mil invistense no chan do pavillon do Ramo.