No cárcere de Yeserías pretendian impulsar unha experiencia teatral nova que tivese continuidade e coherencia nos seus plantexamentos, que debían ser o máis semellante posible ós habituais do mundo libre. A partir de entón prepararon arredor de 40 montaxes teatrais, dunha complexidade técnica e artística que foi en aumento paulatinamente. Cinco teatros de Galicia consideraron que esta é unha experiencia moi positiva de traballo para a reinserción das presas. Fixeron un convenio co Grupo de Teatro Yeses, ubicado no Centro Penitenciario de Madrid I Mulleres en Alcalá de Henares. Este grupo fará unha representación teatral no PAZO DA CULTURA DE NARÓN mañá VENRES, 21 DE MAIO, ÁS 20:30 HORAS, do espectáculo “Europaz”.