O Tortoni preparou no pasado mes de xullo o "bonito ao xeito de Fene", especialidade que colleitou unha moi boa resposta da clientela do establecemento. Daquela pretendiase recuperar a tradición mariñeira de Fene e agora -continuando na mesma liña - quérese honrar á memoria dunha edificación derribada en 1978, pero que permaneceu presente na memoria da cidadanía da comarca.

Fernando de Lago e Obaña construiu o Pazo de Barallobre en 1591. Contaba cunha capela, un escudo coas armas da familia e cunha galería con vistas á ría de Ferrol. Un xardín con variadas e exóticas especies arboreas rodeaba o edificio principal e a vivenda dos caseiros. A última señora do Pazo, Emilia Jaspe Moscoso, morreu a comezos da década dos sesenta do século pasado na Coruña.