Proxecto Cárcere é unha plataforma cidadá que demanda que a antiga prisón provincial da Coruña sexa rehabilitada como un espazo de participación dos veciños consonte os criterios e propostas da propia cidadanía da Coruña. No Plan de Viabilidade inclúense propostas de rehabilitación e usos axeitados dos espazos apostando por manter a estrutura orixinal do edificio baseado en principios de adaptabilidade, sustentabilidade, participación e baixo custo. Preténdese que o vello cárcere funcione como un espazo de encontro, coñecemento e participación cidadá, con propostas sociais, artísticas, culturais e turísticas, un centro sociocultural e da memoria a convivir con un albergue xuvenil, vivendas sociais, ou centro de interpretación da Torre de Hércules entre outros posibles usos.