Puntada sen Fío é un grupo de recente creación, formado por Xiana Lastra (voz), Juan Collazo (vibráfono e percusión) e Roberto Rama (saxo), que presenta o seu primeiro traballo discográfico: A lúa prendeu a luz.  O disco recolle cantigas baseadas na nosa música tradicional, pero tamén de autor ou mesmo algunha de fóra de Galicia traducida á nosa lingua. Todo isto, aderezado pola maior peculiariedade do grupo: a súa sonoridade, dada polos instrumentos nada habituais que utilizan.

Despois de varios anos participando doutros proxectos musicais como O Meu Primeiro Celso Emilio ou A Miña Primeira Rosalía, a súa amizade empurrounos á aventura de tocar os tres xuntos, nacendo así esta nova formación que quere ter persoalidade propia. segundo a voz do grupo, Xiana Lastra.