O desacougo invade ao visitante diante do ambiente logrado nalgunha das salas do Torrente Ballester. Os cadros da “Xeración Doente” de hai cen anos conviven con videos de Pippi Calzaslargas. A responsable de programación do Torrente Susana Cendán falou en Radio Fene do cadro do pintor asturiano Dionisio Fierros que exemplifica o espiritu desta mostra. A pintura reflexa un infante, fillo de Isabel II que morreu aos poucos dias de nacer.

“Falsas apariencias. Miradas fragmentadas sobre a infancia”, é unha selección na que xoga un importantísimo papel a contraposición de épocas e de miradas, da arte considerada clásica coas súas imaxes amables e preciosistas, e a contemporánea, máis próxima a nós e sabedora que a infancia é o xeito máis eficaz de manter viva a nosa memoria.