ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O Alcalde de Ferrol, Vicente Irisarri ven de supervisar as obras de sustitución da rede de Saneamento do barrio de San Pablo. Unhas obras orzamentadas en máis de medio millón de euros e que contan dun prazo de execución de seis meses. Os traballos inclúense no Plan E do Goberno Local. A barriada das vivendas sindicais de San Pablo conta cunha forte problemática social e deterioro.
Os traballos de mellora consisten na construcción dunha nova rede de saneamento de tipo separativo. Renovarase totalmente a rede e procederase á instalación de novos colectores de xeito que se forme unha rede separativa de pluviais e fecais. Asemade realizaranse as acometidas domiciliarias para a súa conexión e se instalarán novos sumidoiros para a recollida das augas pluviais nos viais existentes. O proxecto tamén inclúe o levantado do firme e a súa reposición así como a dos pavimentos das beirarrúas afectadas polos traballos. Coincidindo coa substitución da rede de saneamento, o Concello decidía acometer outra obra incluída no marco dos FEIL, dentro do proxecto de Restauración de Viais Urbanos. Concretamente, a reurbanización da rúa central do barrio, a Carballo, na que se está a substituir o firme, ademais de mellorar a rede de sumidoiros existente. Con estes traballos preténdese pór fin ás continuas avarías por rotura das tuberías que se viñan sucedendo nos últimos tempos. Uns atrancos motivados polo mal estado e a antigüidade dos tubos e tamén polas condicións da súa instalación.