ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Fene renova a rede de abastecemento de auga, saneamento e aglomerado no Camiño do Sartego –dende a Avenida Naturais ata o Camiño de Casanova.
Fene iniciou esta mañá as obras de renovación da rede de abastecemento de auga, saneamento e aglomerado no Camiño do Sartego –dende a Avenida Naturais ata o Camiño de Casanova- e a pavimentación da rúa Fontenova– entre o Museo do Humor e ata o propio Camiño do Sartego-. A actuación contempla un investimento total de preto de 135.000 euros e financiarase con cargo a fondos procedentes da Deputación provincial da Coruña e fondos propios.
Ata o momento, o camiño do Sartego conta cunha rede unitaria de saneamento –que conduce as augas residuais e pluviais-. Entre setembro e novembro de 2015, a empresa concesionaria do servizo de augas levou a cabo diversas inspeccións da rede de alcantarillado no treito comprendido entre a Avenida Naturais e o camiño de Casanova, constatando o seu deterioro, que deriva en filtracións, afundimentos e danos no firme. Como solución, o Concello renovará a rede de abastecemento de auga; procederá á reposición do colector de saneamento sito no Camiño do Sartego e, tamén, ao desdobre con novas redes de saneamento separativas, unha para augas residuais e outra para pluviais. Ademais, pavimentarase todo o camiño.
De igual xeito, e dado o estado actual de parte da rúa Fontenova (dende o Museo do Humor ata Camiño do Sartego), outra intervención contempla a reposición do pavimento existente mediante mistura bituminosa en quente en todo o ancho da calzada, así como a execución dun paso transversal para peóns sobreelevado. O Concello viuse obrigado a realizar un complementario de ata 48.000 euros –que se sumaron aos case 87.000 euros previstos para as obras- para contemplar a renovación deste servizo.
Obras que se realizarán con cargo a fondos municipais e evitarán que, ante novas roturas da rede, se teña que volver a levantar un aglomerado novo.
Publica o teu comentario agora