ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O concelleiro de Medio Ambiente e Servizos, Rafael Fernández Beceiro, informou que operarios do Servizo Municipal de Xardíns comezaron esta mañá a replantar os camelios retirados da rúa Dolores, no barrio histórico da Magdalena. Fixéronno na praza Carlos Casares, en Esteiro, a onde trasladaron catro exemplares e, nos vindeiros días, continuarán as tarefas noutros puntos da cidade como a praza do Himno Galego, no mesmo barrio. Nesta liña,
O obxectivo anunciado no seu momento era reubicar prantas e bancos noutros puntos da cidade atendendo ás peticións xa recibidas no Concello e, tamén, ás necesidades e dispoñibilidade. Así mesmo, Fernández Beceiro lembrou que os traballos se foron realizando de forma ordeada e mazá por mazá para minimizar as molestias aos veciños e veciñas. Así pois, en cada unha delas fóronse retirando as camelias previstas e se repuxeron os alcorques coa plantación de flor de tempada: Begonia, Tagete e Gazania, e pequenos arbustos (que non excedían os 50 centímetros de altura).
Por último, Rafael Fernández Beceiro explicou que dende o verán os camelios permaneceron en viveiros do servizo municipal de xardíns para proceder á súa restauración e coidado á espera tamén de alcanzar unha época como a actual máis favorable para a plantación. Así, o concelleiro concluiu asegurando que a replantación continuará nas vindeiras semanas e, a emprazamentos como a praza Carlos Casares, a praza do Himno Galego (onde se sustituirá un exemplar enfermo por outro en bo estado) e o parque Pablo Iglesias, se sumarán outras zonas.