ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Francisco Martinez Leira “Pancho” foi un dos guerrilleiros antifranquistas que máis sona logrou na comarca de Ferrol. A Garda Civil preparou unha operación no lugar da Mediña en Ombre en Pontedeume. Causáronlle a morte o 31 de decembro de 1954. Dous anos antes, en 1952, nunha acción similar en Oza dos Rios, morreu outro guerrilleiro de Fene, Manuel Vilar Arnoso.
Segundo o profesor da Universidade de León Javier Rodriguez, na guerra civil houbo represión nos dous bandos, pero existe unha clara diferencia na natureza das dúas represións. Na zona sublevada é un terror organizado, que se irá convertindo pouco a pouco nunha forma de acción política. Na republicana a represión ten un carácter incontrolado e irregular e afecta ás persoas que apoian a sublevación. Os sublevados exercian unha violencia contra a legalidade establecida. A República defendíase dese ataque.
Ao chegar a posguerra, a represión continúa, pois os vencedores queren evitar que o opoñente político se poida reorganizar nun futuro. Os desafectos ao réxime, perderon o seu traballo, así conseguíase neutralizar a súa posible influencia social e se lles condeaba á marxinación. No caso de Manuel Vilar Arnoso, non se empregou ningún tipo de xuizo. A obediencia a calquera tipo de lei foi sustituida directamente polas armas. Os vencidos na guerra víronse obrigados a sofrir unha situación de permanente sometemento moral, chantaxe emocional, desprezo e humillación.