O alcalde de Fene ven de ser condeado á retirada do permiso de conducir durante 244 dias e ao pago dunha multa de 600 euros por dar positivo nun control de alcoholemia da Garda Civil de Tráfico o pasado 10 de novembro, día das eleccións xerais. O pasado dia 12 xa se celebrou o xuizo rápido en Ferrol e Gumersindo Galego aceptou a sentencia amosándo a conformidade coa pena.

Radio Fene recolleu as palabras do alcalde fenés, nada máis coñecer a noticia. Galego pide disculpas e afirma que cando colleu o volante ao sair da sede do PP, onde recoñece que tomou unhas cervezas ao final da xornada electoral, non era consciente de ter bebido tanto como para non coller o coche. Amosase arrepentido dese erro do que afirma que é a primeira vez en corenta anos que lle pasa.

Gumersindo Galego conta que cando saíu da sede popular de Fene tras celebrar os resultados electorais cuns pinchos e unhas cervexas, colleu o coche para ir á súa casa. Paróuno a Garda Civil á altura da estación de servizo de Fene onde o fixeron soplar e deu positivo. "Era tan inconsciente do que bebera que non lle pedín á miña muller que ía conmigo que se puxera ao volante" afirma un arrepentido Galego diante do micrófono de Radio Fene.