Esta aplicación, que se vende por 0,79 euros, permite consultar en modo offline (sen necesidade de estar conectado a internet) os milleiros de refráns que forman parte da colección, visualizándoos en modo aleatorio ou mediante a busca por palabras. Tamén é posible gardar os ditos preferidos na sección favoritos, así como compartilos pola rede vía correo electrónico, Facebook ou Twitter. O Refraneiro Galego para iOS tamén inclúe un sistema de alerta opcional que permite recibir no teléfono unha frase diferente cada día ou cada semana sen ter que abrir a aplicación.

A versión reducida de Refraneiro galego para a rede, é unha web que publica novos refráns diariamente e onde calquera pode enviar as súas suxestións, do mesmo xeito que a través das redes sociais.