Así se establece no convenio de colaboración que vén de suscribir o rexidor coa Axencia de Turismo de Galicia, que apor-
tará o 100% dos fondos económicos. Estes, segundo avanzou Rubido, irán destinados á recuperación de elementos singulares do núcleo de Teixido tales como hórreos e fontes e, tamén, para levar a cabo a homoxeneización dos postos de
venda dispostos polos veciños e dotalos de personalidade propia. Neste último caso, en base a un estudo previo arquitectónico asinado por Pablo Tomé e Oscar Alba.

O convenio nace das xestións levadas a cabo polo alcalde e que se concretaban hai uns meses nun encontro en San Andrés coa delegada territorial da Xunta de Galicia na Coruña, Belén do Campo; representantes da Fundación Artesanía de
Galicia e os propietarios dos postos de venda ubicados no entorno do santuario cedeirés. O obxectivo común desta terceira fase, así como das anteriores, non é outro máis que a posta en valor de San Andrés erradicando o feísmo e convertin-
do o lugar nun exemplo da arquitectura tradicional galega, potenciando ao tempo o seu poder turístico. Xa coa segunda fase, e tamén a través da Axencia Turismo de Galicia, se destinaban 100.000 euros a obras de mellora das fachadas das 22
vivendas unifamiliares que compoñen o pequeno núcleo poboacional. Unha intervención que contribuiu a dar unidade estética á zona en base a un estudo cromático no que predominaron as cores branco e terracota.

Rubido tamén sinalou que en datas próximas a Deputación provincial formalizará a concesión dunha achega para financiar as obras necesarias e realizar a traída das augas a San Andrés. Intervención de captación e construcción da rede que, sen dúbi-
da, facilitará o desenvolvemento da hostelería en Teixido.