A Sociedade Agarimo de Sillobre acollerá nos meses de novembro e decembro unhas novas Xornadas Teatrais "Juan J. Galdo Fachal". As obras poderán verse en catro domingos ás 19:00 horas. As Xornadas abrirán o 11 de novembro coa Escola de Teatro Agarimo, que dirixe Mari Carmen Martínez, coa peza " A señorita Gutiérrez" e pechará o 9 de decembro a Agrupación Teatral de Agarimo, dirixida por Andrés Picallo, con "As tres plumas". Os dous espectáculos estreados polas Letras Galegas deste ano. No medio asistiremos ás representacións dos grupos convidados este ano. O domingo 25 de novembro estará en Sillobre o grupo de teatro da SCR A Pombiña de Pedroso, coa obra "Resurrección". A Cova do Trasno de Ares leva ás xornadas de Agarimo a peza " O regreso do indiano" , o domingo 2 de decembro.