Dende a Comisaría da Policía Nacional de Ferrol-Narón confirman hoxe que toda a investigación referida ao achádego está baixo investigación xudicial e que, polo tanto, as súas competencias arredor do caso remataron.

Dende o xulgado no que a actual xestora da organización relixiosa cursou a denuncia, decretouse que fose a Brigada de Investigación Tecnolóxica do Corpo Nacional de Policía a que investigue o equipo informático no que se localizou o material presuntamente constitutivo de delicto. O departamento policial de Ferrol non quere pronunciarse sobre o caso mentras non cheguen novas instrucción do ente xudicial. Polo de agora non trascendeu a auténtica natureza do material arquivado no equipo informátivo de Castro Couto.

Segundo o historiador Enrique Barrera, no seu libro “La transición en Ferrol”, Juan José Castro Couto era o xefe do grupo ultradereitista Los Guerrilleros de Cristo Rey. Participou nun ataque con cadeas e bates de beisbol a un grupo de rapazas do Instituto Femenino o 20 de febreiro de 1975. As agredidas denunciaron os feitos co correspondente parte médico. Castro Couto foi considerado culpable da acción en xuicio celebrado polo Tribunal de Orden Público os dias 29 de abril e 20 de maio daquel ano. Ainda vivía Franco e fora condenado a varios dias de arresto menor e unha indemnización de 2.100 pesetas.